හීන ජනූ හා ඇත්ත ජනූ…

මං ඉන්නෙ මලගෙදරක…

අඩන්නෙත් නෑ….

එක තැනක ඔසරියක් ඇඳගත්ත ගෑණු කෙනෙක් අඬනව පේනව…

ඒ අම්ම නේද???

මාමල එහෙ මෙහෙ දුවනව..

එයාල අස්සෙන් හෙමින් හෙමින් ඇවිදගෙන ගිය මම සාලෙ තියල තිබුණු පෙට්ටිය ලඟට ගියා….

තාත්තා නේද ඉන්නෙ පෙට්ටිය ඇතුලෙ…

මම එතෙන්ට යනකොටම මට තේරුණා…

ඒ කියන්නෙ තාත්ත මැරිලද???

මට දැඩිය දැම්ම!!!!!

මම මහ හයියෙන් අඬන්ඩ පටන් ගත්ත…

අත් දෙකට දැණුනු සීතල තෙත ගතිය නිසා මාව නින්දෙන් අවදි වුණා…නොසෑහෙන්ඩ දාඩිය දාල!!!!

ඒ මදිවට පපුව ගැහෙනව…

ඇස්වල කඳුලු පිරිල…

මං හීනෙන්ම අඬල!!!!!!!!!!!!!!!දෙයියනේ යාන්තං ඇති ඒක හීනයක්!!!

මම හුස්මක් හෙලල හිත සැහැල්ලු කරගත්ත…
ඔය හීනෙ වෙනස් වෙනස් විදි වලට මම කීප වතාවක් දැකල තියෙනව

ඒත් ඒ තාත්ත ජීවතුන් අතර ඉන්නකොට….

හදිසියෙම තාත්ත නැති වුණා තියල දැන ගත්ත ගමන්ම මට මොන දේටත් කලින් මතක් වුනේ මේ හීනෙ….

අදටත් මම උන්න ගමන් තාත්තව හීනෙන් දකිනව…

ඒ වෙලාවට මට මතක් වෙනව තාත්ත නැති වෙලානෙ..මේ හීනයක් නෙ තියලත්…. තාත්ත මගෙ හීනවල කොනක දැවටිලා පෙනී ඉඳල යන්ඩ යනව…

කතා කරන්ඩ කොච්චර හැදුවත් මට බෑ එයා එක්ක කතා කරගන්ඩ…

එයා මාත් එක්ක කතා කළා නං කතා කළේ එකම එක දවසක්…

ඒත් පළවෙනි වඩනෙ පිටවෙන කොටම මට කටහඬේ වෙනස දැණුන…මේ ඇත්ත තාත්ත නෙවෙයි කියල මට හීනෙන්ම තේරුණා….

පුදුමයි නේද???

ඔයාලගෙ හීන මොන පාටද???

උත්තර දෙන්න පුලුවන්ද මේ ප්‍රශ්නෙට??

මං අහල තියෙන ගොඩක් අයගෙ හීන කලු සුදු හීන…

ඒත් මගෙ උත්තරේ නම් වෙනස්,

මං දකින්නෙ පාට පාට හීන….

මේක ඇත්තම කියල මට හිතෙන්නෙ කාරණා දෙකක් නිසා

මම හීනයක් දැකල ඒ හීනෙ හිටපු කවුරු හරි කෙනෙක් ඇඳගෙන හිටපු කමිසෙ පාට මට මතක තියෙනව ඊලඟ දවසෙ උදේ වුනත්

අනික තමයි මට මගෙ හීනෙ ඇතුලෙදිත් ආ මෙයා ඇඳල ඉන්නෙ නිල්පාට කමිසයක් නේද? කියල හිතෙන එක….

ඇත්තටම හීන තියන්නෙ හරිම අපූරු පුදුමාකාර දෙයක් නේද???

සමහර වෙලාවට අපි හීන දකින්නෙ ගැඹුරු නින්දෙදි…

ඒත් සමහර වෙලාවට මහන්සි වැඩි කමට කොහෙ හරි විනාඩි පහක් දහයක් නින්ද ගියා කියන්ඩකො…

මට නං ඒ ටිකටත් හීනයක් පේනව…

අනික ඔය කාටද පුලුවන් ටෙලිනාට්‍ය වගේ හීනෙ කොටස් දකින්ඩ???

අද දවල් මම පෙම්බරයගෙං ඔහොම අහන වෙලාවෙ නං හිතුවෙ නෑ කොයි වෙලේ හරි  මේ ගැනත් බ්ලොග් එකේ ලියන්ඩ ඕනෙ කියල…

හවස් වෙනකොට

පෝස්ට් එකක් එහෙම ලිව්වනං හොඳයි නේද ළමය

කියල ඉල්ලීමක් ලැබුණාම මං කල්පනා කළේ මොනවද ලියන්නෙ කියල….

ඒපාර මතක් වුණා හීන කතන්දරේ ගැන ලිව්වනං හොඳයිනෙ කියල.. හැබැයි මේක ලියන්ඩ හිටියෙ හීන ගැන ටිකක් විද්‍යාත්මක විදියට හොයල බලල… ඒත් මේ පෝස්ට් එකක් ලියන්ඩ කියල අණ ලැබුණ වෙලාවෙ ඒක නොසලකා ඉන්ඩ බෑනෙ…

ඉතිං අද දවසෙ  කතන්දරේ මම දැකපු හීනයක් ගැනයි

ඔන්න මං හීනයක් දැක්ක දවසක්….

හීනෙ හැටියට මම මොනව හරි ගන්ඩ ටිකක් ලොකු කඩේකට ගිහින් ඉන්නෙ…මොනව ගන්ඩ ගියාද කියන එක නං පැහැදිලි මදි… සමහර වෙලාවට හීනෙ අපි රඟපාන චරිතය හසුරුවාගන්ඩ අපිට අවශ්‍ය වුණත් ඒකට හැකියාවක් නෑනෙ අපිට…. ඉතිං මේ ගන්ඩ ගියදේ මොනවද කියල මම හීනෙ ඇතුලෙදිත් හිතුවට මම දන්නෙ නෑ ඒ ගැන….

ඔහොම වටපිට බලබලා ඉන්නකොට වීදුරු මල්පෝච්චියක දාපු ෆෙංෂුයි බැම්බු අතු මම දැක්කෙ….

මට එකපාරටම ඒව ගන්ඩ හිතුණ..

දැන් ඔන්න හීනෙ ඇතුලෙම මට හිතෙනව

මං ෆෙංෂුයි බැම්බුවලට කැමති නෑනෙ…කොටින්ම ෆෙංෂුයි කියන දේ එහෙමට දන්න කෙනෙක්වත් නෙවෙයිනෙ….ඇයි මේ මම ඒව ගන්ඩ යන්නෙ කියල..

ඒත් හීනෙ ඇතුලෙ ඉන්න මාව ඒව මිලදී ගන්න එක වලක්වාගන්න එයා දිහා බලන් ඉන්න එයාම වන මට බැරි වුණා…

ඉතින් ඒ හීනෙ ඉවර වෙච්ච හැටි නං මට මතක නෑ….

ඔහොම දවසක් දෙකක් තුනක් ගෙවුණ කියන්ඩකො…

ඔන්න ආයෙත් දවසක් මම හීනයක් දකිනව…

මං ඉන්නෙ අපේ පෙම්බරයගෙ ගෙදර…

මම මගේ ගමන් මල්ල අවුස්සනව මොනව හරි දෙයක් හොයාගන්ඩ….

ඒත් හීනෙන් මෙපිට ඉන්න මම දන්නෙ නෑ හීනෙ ඉන්න මම හොයන්නෙ මොනවද කියල..

දැං මේ කතාවට ජනූල දෙන්නෙක් සම්බන්ධයි නෙ ..ඒ නිසා මම දෙන්නට නම් දෙකක් දෙන්නයි යන්නෙ..

එක්කෙනෙක් හීන ජනූ.. එයා තමයි හීනෙ ඇතුලෙ ඉන්නෙ..

අනිත් එක්කෙනා ඇත්ත ජනූ... ඒ කියන්නෙ මේ වෙලාවෙ ලියන මම

ඔහොම යනකොට හීනෙ ඉන්න මට හම්බ වුණා පැල දෙකක්…

තරමක් වේලිලා….

දැක්ක ගමන්ම මට මතක් වුණා ආ…. මේ අර දවසක් මම ගත්ත පැල දෙකනෙ කියල… මේක මතක් වුනේ පැල දෙක හම්බවුණ හීන ජනූට…

එතකොට ඔන්න ඇත්ත ජනූට හිතෙනව ඒක  මං දැක්ක හීනයක් නෙ කියල…

ඒත් ඒක හීන ජනූ දන්නෙ නෑ වගේ..

එයා ගෙදර පුරා පෝච්චියක් හොයනව ඒ පැල දෙක වතුරෙ දාන්ඩහොයනකොට හොයනකොට හීන ජනූට හම්බවෙනව විදුරු පෝච්චියක් වගේ හැඩේ ඇති බෝතලයක්…

එයා මේක අරන් ගිහින් ටැප් එකෙන් වතුර පුරවල අර පැල දෙක දාන්ඩ යනව…

ඇත්ත ජනූට මතක් වෙනව

ආ… මේ අර මම පෙම්බරයගෙ ගෙදර අස්කරන වෙලාවෙ මල් දාල තියන්ඩ හොඳයි කියල හෝදල තියපු බෝතලේනෙ… කියල

දැන් හීන ජනූ ඉන්නෙ පෙම්බරයගෙ ගෙදර වුණාට එයා වතුර පුරවන්ඩ යන්නෙ අපේ දඹදෙනියෙ ගෙදර සිංක් එක ලඟටයි….

දැං ඇත්ත ජනූට මේක තේරෙනව…මේක අතාත්විකයි තියල… මාලඹේ ඉඳල එකපාරට දඹදෙනියට එන්ඩ හේතුවක්වත්, එහෙම වෙන්ඩ විදියක්වත් නෑනෙ….

ඒත් කියන්ඩයැ හීන ජනූට… ඇරත් එයා අහනවයැ ඇත්ත ජනූ කියන දේවල්….

ඉතිං ඔන්න ඒ හීනෙත් ඉවර වුණා… ඉවර වුණ හැටි නම් මතක නෑ….

ඒත් කලින් හීනෙ තවත් කොටසක් බැලුව වගේමයි මට ඒ කියන්නෙ ඇත්ත ජනූට දැණුනෙ…

හීන හරිම සංකීර්ණයි නේද…?මේ විදියට හීන කොටස් වෙලා පෙනුණ පළවෙනි වතාව නෙවෙයි මේ….

මට පෙනිල අමතක වෙලා ගිය කොච්චර හීන ඇතිද???

ඒ ගැන කල්පනා කරද්දි හිතට එන හැඟිම් හරිම අමුතුයි…

පපුව සීතල වෙලා යන හැඟීම්!!!!!

දැන් ඔය පැල කොහෙද ඔයා තිබ්බෙ???

දැන් මේ කතාව අහන් හිටපු පෙම්බරය ඇහුව…

මං හිතන්නෙ ලබන සතියෙ විතර තමයි ඒක පේන්නෙ…

ඉතින් මතු සම්බන්ධයි…..!

මං උත්තර බැන්ද

පින්තූරෙ ගත්තෙ shoppingdealer.com

Advertisements